काठमाण्डौ । निर्वाचन आयोगको पूर्व निर्धारित कार्यतालिका अनुसार मंगलबार ३, ४ र ६ नम्बर प्रदेशका ३४ जिल्लाका स्थानीय निकायमा उम्मेद्वारी दर्ताको कार्यक्रम लगभग सकिएको छ ।

यी तीन प्रदेशभित्र पर्ने महानगरपालिका र उपमहानगरपालिकामा दलहरुले प्रस्तुत गरेका उम्मेद्वारहरुको बढी चर्चा छ ।

पहिलो चरणको निर्वाचन हुने क्षेत्रमा काठमाण्डौ, ललितपुर, भरतपुर र पोखरा गरी ४ महानगरपालिकाहरु परेका छन् । हेटौडा एकमात्र उपमहानगरपालिका परेको छ । अन्यमध्ये केही नगरपालिका र बाँकी गाउँपालिका रहेका छन् ।

दलहरुको मुख्य चासो देखिएको काठमाण्डौ र ललितपुरमा एमाले र राप्रपाले तालमेल गरेर उम्मेद्वारी दिएका छन् । यी दुवै महानगरमा मेयरमा एमाले र उपमेयरमा राप्रपाका उम्मेद्वार उठेका छन् । एमाले र राप्रपाबीचको यो तालमेल देशका अन्य क्षेत्रमा समेत हुनसक्ने बताइएको छ ।

हामीलाई हालसम्म महानगर र उपमहानगरपालिकामा दर्ता भएका उम्मेद्वारहरुको नामावली यसप्रकार छ :

नेपाली कांग्रेस
काठमाण्डौ : मेयरमा राजुराज जोशी र उपमेयरमा हरिप्रभा  खड्गी
ललितपुर : मेयरमा चिरीबाबु  महर्जन र उपमेयरमा गीता सत्याल ।
भरतपुर : मेयरमा  दिनेश कोइराला र उपमेयरमा पार्वती शाह
पोखरा : मेयरमा रामजी कुँवर र उपमेयरमा सरस्वती गुरुङ ।
हेटौडा : मेयरमा आनन्दराम पराजुली र उपमेयरमा लक्ष्मी श्रेष्ठ ।

नेकपा एमाले
काठमाण्डौ :  मेयरमा विद्यासुन्दर शाक्य, उपमेयरमा राप्रपालाई समर्थन ।
ललितपुर : मेयरमा हरिकृष्ण  व्यञ्जनकार र उपमेयरमा राप्रपाको उम्मेद्वारलाई समर्थन ।
भरतपुर : मेयरमा देव ज्ञवाली र उपमेयरमा कमला पौडेल
पोखरा : मेयरमा मानबहादुर जिसी र उपमेयरमा मञ्जु गुरुङ ।
हेटौडा : मेयरमा हरिबहादुर महत र उपमेयरमा मिना लामा ।

माओवादी केन्द्र
काठमाण्डौ : मेयरमा सर्वोत्तम  डंगोल र उपमेयरमा सुशीला पौडेल
ललितपुर : मेयरमा दिनेश महर्जन र उपमेयरमा मञ्जरी शाक्य आस्था
भरतपुर : मेयरमा रेणु दाहाल र उपमेयरमा सुरेन्द्र तामाङ
पोखरा : मेयरमा विश्वप्रकाश लामिछाने र उपमेयरमा गोमा ढकाल
हेटौडा : मेयरमा बलराम बल, उपमेयर..........

राप्रपा
काठमाण्डौ : मेयरमा एमालेलाई समर्थन र उपमेयरमा राजाराम श्रेष्ठ ।
ललितपुर : मेयरमा एमाललेलाई समर्थन र उपमेयरमा नाम आउन बाँकी
भरतपर : विवरण आउन बाँकी
पोखरा : मेयरमा गीता गुरुङ र उपमेयरमा रमेशबहादुर खत्री
हेटौडा : मेयरमा मधु अधिकारी, उपमेयरमा................

(अपडेट जारी छ, हामीलाई पछ्याइरहनुहोला)