file photo
काठमाण्डौ । प्रधानमन्त्री केपी शर्मा ओलीले मन्त्रीपरिषद पुनर्गठन गरेका छन् । यो क्रममा एमालेका पुराना ४ मन्त्री बाहेक सबैलाई विदा गरिएको छ ।
एमालेबाट एकजना नयाँ मन्त्री बनाइएको छ भने जनता समाजवादी पार्टी(जसपा)बाट राजेन्द्र महतोको नेतृत्वमा १० जनालाई सरकारमा सहभागी गराइएको छ । महतोले उपप्रधनमन्त्रीसहित शहरी विकास मन्त्रालयको जिम्मेवारी पाएका छन् भने उनीसहित ८ जनाले मन्त्री र २ जनाले राज्यमन्त्रीको जिम्मेवारी पाएका छन् ।
नयाँ संविधान निर्माण भइसकेपछि पहिलोपटक सरकारमा एकैपटक ३ जनालाई उपप्रधानमन्त्री बनाइएको छ । संसद विघटन भई चुनाव गराउने तयारीमा रहेको सरकारले आफू निकटका दल, नेता, समुदाय वा क्षेत्रलाई चित्त बुझाउनका लागि सरकारमा ३ जनालाई उपप्रधानमन्त्री बनाएको देखिएको छ ।
पुनर्गठित मन्त्रीपरिषदमा अर्थमन्त्रीको समेत जिम्मेवारी सम्हालिरहेका विष्णु पौडेलले उपप्रधानमन्त्री बन्ने मौका पाएका छन् । राजेन्द्र महतो र एमालेका रघुवीर महासेठ पनि उपप्रधानमन्त्री बनेका छन् ।
आज बिस्तार भएको मन्त्रीपरिषद १७ सदस्यीय रहेको छ । केही महत्वपूर्ण मन्त्रालय भने ओलीले आफैंसँग राखेका छन् । ती मन्त्रालयको जिम्मेवारी केही दिनपछि तोक्ने उनको तयारी छ ।
ओलीले आफैंसँग राखेकामध्ये गृहमन्त्रालयमा उनी निकटकै नेताहरुको तानातानको अवस्था रहेको छ । हुन त जसपाले पनि गृहमन्त्रालय आफूले पाउनुपर्ने अडान लिएको थियो, तर ओलीले त्यो प्रस्ताव मानेनन् ।
नयाँ गृहमन्त्रीको रुपमा ओलीका दुई विश्वासपात्रहरु महेश बस्नेत र खगराज अधिकारीको नाम चर्चामा छ । दुवै नेता मन्त्री भइसकेका व्यक्ति हुन् । यी दुईमध्ये बस्नेतको गृहमन्त्री बन्ने संभावना प्रवल रहेको स्रोत दाबी गर्छ ।
अहिलेलाई पुनर्गठित मन्त्रीपरिषदमा कुन नेता आए र कस्तो जिम्मेवारी पाए ? हेरौं ।
बिस्तारित मन्त्रीपरिषदको कार्यविभाजन
2024-01-19
2024-01-19
2024-01-19
2024-01-19
2024-01-19
2024-01-19
2024-01-19
2024-01-19
2024-01-19
2024-01-19
