काठमाण्डौ । विश्वमा तीव्र रुपमा आफ्नो बजार विस्तार गर्दै गएको रियलमीले नेपाली बजारमा ’रियलमी बड्स एयर २’ र ’रियलमी बड्स एयर २ नियो’ गरी दुई नयाँ स्मार्ट अडियो उपकरण उपलब्धताको घोषणा गरेको छ। बड्स एयरको दोस्रो संस्करणका रुपमा आएका यी दुबै उपकरणमा पहिलो संस्करणभन्दा थप अपग्रेड गरिएको कम्पनीले जनाएको छ।

उद्योगको शीर्षस्तर अन्तर्गत अडियो गुणस्तर प्रदान गर्न यी बड्सहरु विश्वको टप १०० डिजे, सांगितिक समुह चैनस्मोकर्स र रियलमी म्युजिक स्टुडियोमा प्रयोग र प्रतिक्रिया बमोजिम डाएमण्ड आकारमा उच्च गुणस्तरको कार्वन बनावट रहेको छ। यी दुई नयाँ उच्च गुणस्तरका टीडब्लुएस बड्स एनएनसी प्रविधिमा आधारित छन् साथै २५ डिबीको ध्वनि ह्रास गर्ने तथा कम फ्रिक्वेन्सीका आवज÷होहल्लालाई प्रभावकारी रुपमा कम गर्न सक्छ। यी नयाँ संस्करणमा ब्याट्रीको क्षमता, उच्चतम अडियो, डिजाइन आकर्षकतामा पनि सुधार गरिएको छ।

सामान्यतया महँगा उपकरणमा मात्र उपलब्ध हुने गरेको नोइज क्यान्सलेसेन (अनावश्यक बाहिरी हो–हल्ला रद्द) प्रविधि रियलमीले औषत बर्गका प्रयोगकर्ताको लागि पनि किफायती रहेको रियलमी बड्स एअर २ मा यो प्रविधी ल्याएको छ।

रियलमी बड्स एयर २ र एयर २ नियोले २५ डिबीसम्म नोइज क्यान्सलेसन गर्न सक्दछ र प्रायः कम प्रवृत्तिको ध्वनि फिल्टर गरी मूल आवाजभन्दा बाहिरको यातायात, हवाइजहाज लगायतका अन्य वस्तुको आवाज हटाएर ध्वनिमा हुने समस्या समाधान गर्दछ। उत्कृष्ट रुपमा ध्वनिको समस्या हटाउनका लागि यसमा आर २ चिपको प्रयोग गरिएको छ। यसले सक्रिय आवाज अर्थात् मूल आवाजलाई समर्थन गरेर बाह्य हो–हल्ला रोक्न मद्दत गर्छ। उत्कृष्ट कम्प्युटिङ प्रदर्शन, उच्चतम ब्याट्री प्रभावकारिता, थप स्थिर जडान र उच्च गुणस्तरीय कलका लागि यसले उत्कृष्ट भूमिका निर्वाह गर्दछ। 

ट्रान्सपरेन्सी मोड बडस् एयर २ र बडस् एयर २ नियो दुबै उपकरणका लागि थप फिचर हो। यसलाई सक्रिय गरेर उपभोक्ताले माइक्रोफोन मार्फत बाह्य आवाज सुन्न सकिन्छ र सजिलैसँग एअरफोन ननिकाली बाहिर अरुसँग सजिलै कुरा गर्न सकिन्छ। 

ताररहित यी दुबै एयरफोनहरु ध्वनि पिकअपका लागि डबल माइक्रोफोनले सुसज्जित छन्। वातावरणीय हल्ला कम गरी वरपरको आवाजलाई घटाएर स्पष्ट रुपमा अर्को व्यक्तिले बोलेको कुरालाई सुन्न सकिने प्रविधीमा यी संस्करणहरु पहिलाभन्दा अहिले निकै उत्कृष्ट छन्।

रियलमी बड एयर २ नियो चौतर्फी अपडेट गरिएको छ। यो सामान्यतया २८ घण्टासम्म र एएनसीका साथ २० घण्टासम्म निरन्तर प्रयोग गर्न योग्य छ। जुन अघिल्लो संस्करणको तुलनामा ६५ प्रतिशतले बढी हो। रियलमी बड् २ ले २५ घण्टासम्म आफ्नो क्षमता विकास गरेको छ।

यसबाहेक गेम मोडमा  बिलम्वता ८८ मिली सेकेण्ड छ भिडियो एसिन्क्रोनी, खेलमा हुने विलम्वता, डिस्कनेक्सन तथा अन्य समस्याहरुमा पनि व्यापक सुधार गरिएको कम्पनीले जनाएको छ। आईपीएक्स ५ को वाटरप्रुफ रेटिंग रियलमी लिंक एपका साथ अनुकूल बनाउन खोजिएको छ।

अन्ततः एएनसी अन/अफ, इन्टर/एक्जिट, गेमिङ मोड, ईक्यु सेटिङ नियन्त्रण थप इन्टिलिजेन्ट टच कन्ट्रोल, स्मार्टवेयर डिटेक्सन, गुगल फास्ट पेयर र अन्य फिचरहरु पनि उपलब्ध रहेका छन्।