काठमाण्डौ। नेपालस्थित भारतीय एक्साइड इन्डस्ट्रिजको आधिकारिक बिक्रेता सिप्रदी ट्रेडिङ प्रालिले हालैमात्र डिलर मिट कार्यक्रम सम्पन्न गरेको छ। 

कार्यक्रममा एक्साइडका नेपालभरी रहेका १०० भन्दा धेरै डिलर, सिप्रदी ट्रेडिङका प्रतिनिधि र एक्साइड इन्डस्ट्रिजका प्रतिनिधिहरुको सहभागिता थियो। कार्यक्रममा विभिन्न बिधामा सर्वोत्कृष्ट डिलरहरुलाई सम्मान गरिएको थियो। 

कार्यक्रममा डिलरहरुलाई स्वागत गर्दै कम्पनीका सीईओ राजनबाबु श्रेष्ठले भने, ‘हामी नेपाली बजारमा निरन्तर अग्रस्थानमा रहिरहन सफल हुनुको प्रमुख कारण भनेको हाम्रा वितरकहरुले हामीलाई गरेका अगाध माया र बलियो विश्वास हो।’

देशकै नम्बर एक ब्याट्री ब्यान्ड एक्साइड मुख्यतः अटोमेटिभ, दुई पांग्रे, इन्भटर तथा सोलार ब्याट्रीको क्षेत्रमा काम गर्दछ। व्यवसाय सहज तथा प्रभावकारी रुपमा सञ्चालन गर्नका लागि कम्पनीको नेपालभर बृहत् सेल्स तथा सर्भिस टिम रहेको छ।