काठमाण्डौ । फुटवेयर म्यानुफ्याक्चरर्स एसोसिएसन अफ नेपालको आयोजनामा संस्थाको २२ औँ वार्षिकोत्सवको अवसरपारी व्यावसाय, समाज र सामाजिक उत्तरदायित्व भन्ने नाराका साथ आज रक्तदान कार्यक्रम सम्पन्न गरेको छ। 

गोल्डस्टार सुजको प्राँगणमा सम्पन्न रक्तदान कार्यक्रममा ७३ जनाले रक्तदान गरेका थिए । बढ्दै गइरहेको कोरोना संक्रमणका कारण देशभर रगत अभाव हुन नदिन तथा रगतको आपूर्ति सहज होस भनी आज रक्तदान कार्यक्रम आयोजना गरिएको संस्थाका अध्यक्ष नानीराज घिमिरेले बताए। 

संस्थाले सामाजिक उत्तरदायित्व बहन गर्दै विभिन्न कार्यक्रमहरु गर्दै आइरहेको र आगामी दिनमा पनि जारी रहने संस्थाका महासचिव ज्ञानेन्द्र दाहालले बताए।

कोरोना संक्रमणको तेस्रो लहरकोे जोखिमलाई मध्यनजर गर्दै सामाजिक दूरी कायम गर्दै रक्तदान गरिएको संस्थाले जनाएको छ।