काठमाण्डौ । एसियाबाट नेपालकी शकुन्तला नायक सन् २०२१ को ‘बेस्ट कस्टमर सर्भिस एक्जिक्युटिभ अफ दी इअर’ अवार्डबाट सम्मानित हुने भएकी छन्।

रुला अवार्डसले उक्त अवार्डबाट सम्मान गर्न नायकलाई छनोट गरेको हो। नायक हाल महिन्द्रा एन्ड महिन्द्राज अटोमोबाइल कम्पनी नेपालको कस्टमर सर्भिस डिपार्टमेन्टमा प्रोजेक्ट कोअर्डिनेटरका रुपमा कार्यरत छिन्। 

जनकपुरकी स्थायी बासिन्दा नायकलाई भारतको तमिलनाडूस्थित मादुराईमा हुने अन्तर्राष्ट्रिय अवार्ड वितरण समारोहबीच उक्त अवार्डबाट सम्मानित गरिनेछ। 

समारोहमा एसियाका ४० भन्दा बढी देशहरुका उच्चस्तरका प्रतिनिधिहरुको उपस्थिति रहने बताइएको छ।