काठमाण्डौ । काठमाण्डौमा आउँदो शुक्रबार साउन ६ गते करिअर मेला आयोजना हुने भएको छ। 

मेलामा युवा जनशक्तिले राष्ट्रिय तथा अन्तर्राष्ट्रिय कम्पनीमा रोजगार हुने अवसर प्राप्त गर्ने बताइएको छ।

मेलामा ५० भन्दा बढी राष्ट्रिय तथा अन्तराएष्ट्रियस्तरका सूचना, प्रविधि र उत्पादनमूलक क्षेत्र र बैंक तथा वित्तीय संस्था सम्बद्ध कम्पनीहरुको सहभागिता रहनेछन्। जसमध्ये कोकाकोला, गोल्छा ग्रुप, दराज, ईसेवा लगायतका कम्पनीहरु मेलाको प्रमुख साझेदार कम्पनीहरु हुन्।

तीमध्ये २० कम्पनीले मेलाकै क्रममा सक्षम जनशक्तिलाई अनुबन्ध गर्ने बताइएको छ। बाँकी कम्पनीहरुले सहभागीको सीभी संकलन गरी निकट भविष्यमा अनुबन्ध गर्ने आयोजकको भनाइ छ। 

मेलामार्फत विद्यार्थीहरुले करियर काउन्सेलिङको अवसर पाउने समेत बताइएको छ।

आईआईएमएस कलेजले आयोजना गर्न लागेको यो मेला भगवती बहालस्थित लिसारा ब्यांक्वेटमा आयोजना हुनेछ। आयोजकले बिहान १० बजेदेखि अपराह्न ४ बजेसम्म मेला सञ्चालन हुने जानकारी दिएको छ। 

मेलामा अन्तर्क्रिया कार्यक्रम (प्यानल डिस्कसन) का साथै संस्कृतिक प्रस्तुतिसमेत रहने आयोजकले जनाएको छ।