काठमाण्डौ । दोश्रो चरणको स्थानीय निर्वाचन अन्तरगत विभिन्न तहको मतगणना सुरु भइसकेको छ । धेरै ठाउँको प्रारम्भिक मतपरिणाम समेत सार्वजनिक हुन थालेको छ । हालसम्मको मतपरिणाम अनुसार सत्ताको नेतृत्व गरिरहेको कांग्रेसले सुरुवाती अग्रता लिएको छ भने उसलाई प्रमुख प्रतिपक्षी एमालेले पछ्याइरहेको छ । माओवादी केन्द्र तेश्रो स्थानमा कायमै छ ।
देशका विभिन्न क्षेत्रबाट प्राप्त ताजा मतपरिणाम यस्तो छ :
- विराटनगर महानगरपालिकामा मतगणना अझै सुरु हुन सकेको छैन
- इटहरी उपमहानगरपालिमामा मतगणना सुुरु भएको छ
- मोरंगको बेलबारी नगरपालिकामा कांग्रेसले र सुन्दर हरैंचा नगरपालिकामा एमालेले सुरुवाती अग्रता लिएका छन् ।
- झापाको गौरीगञ्ज गाउँपालिकामा माओवादी केन्द्रको अग्रता छ, उसलाई एमालेले पछ्याइरहेको छ ।
- ताप्लेजुंगको फूंगलिंग नगरपालिकामा एमालेले अग्रता लिएको छ, उसलाई कांग्रेसले पछ्याइरहेको छ ।
- डोटीको आदर्श गाउँपालिकामा एमालेले अग्रता लिएको छ, उसलाई कांग्रेसले पछ्याइरहेको छ ।
- डोटीको सायल गाउँपालिकामा कांग्रेसले झिनो अग्रता लिएको छ भने शिखर नगरपालिकामा समेत कांग्रेसको अग्रता कायम छ । उसलाई एमालेले पछ्याइरहेको छ ।
- रोल्पा नगरपालिकामा माओवादीले अग्रता लिएको छ, उसलाई कांग्रेसले पछ्याइरहेको छ ।
- दांगको तुल्सीपुर नगरपालिकामा एमाले अग्रता छ । उसलाई कांग्रेसले मेयर र उपमेयर दुवैमा पछ्याइरहेको छ ।
- अर्घाखाँचीको शितगंगा नगरपालिकाको २ सय मत गणना हुँदा एमालेले अग्रता लिएको छ ।
- दांगको गढवा गाउँपालिकामा एमाले अग्रता छ भने उसलाई माओवादी केन्द्रले पछ्याइरहेको छ ।
- पाल्पाको बगनासकाली गाउँपालिकामा कांग्रेसको अग्रता छ, एमालेले पछ्याइरहेको छ ।
- डोटी दिपायल नगरपालिकामा कांग्रेसले फराकिलो अन्तरले अग्रता बढाएको छ, एमालेले पछ्याइरहेको छ ।
- अछामको रामरोशन गाउँपालिकामा माओवादीले सुरुवाती अग्रता लिएको छ, उसलाई एमालेले पछ्याइरहेको छ ।
- मोरंगको उर्लाबारी नगरपालिका र झापाको बिर्तामोड नगरपालिकामा एमालेले अग्रता लिएको छ । दुवै नपामा उसलाई कांग्रेसले पछ्याइरहेको छ ।
- झापाको दमक नगरपालिकामा समेत एमालेले अग्रता कायम गरेको छ । उसलाई माओवादीले पछ्याइरहेको छ ।
- नवलपरासीको सुनवल नगरपालिकामा कांग्रेसले अग्रता लिएको छ, एमालेले पछ्याइरहेको छ ।
- कञ्चनपुरको बेदकोट नगरपालिकामा एमाले अग्रता छ । माओवादीले पछ्याइरहेको छ ।
- बाँकेको नरैनापुर गाउँपालिकामा संघीय समाजवादी फोरमले सुरुवाती अग्रता लिएको छ । उसलाई एमालेले पछ्याइरहेको छ ।
- कञ्चनपुरको बेलडाडी नगरपालिकामा एमालेले सुरुवाती अग्रता लिएको छ, उसलाई कांग्रेसले पछ्याइरहेको छ ।
- डेडेलधुराको अजयमेरु गाउँपालिकामा एमालेले अग्रता लिएको छ,उसलाई माओवादीले पछ्याइरहेको छ ।
- बैतडीको दशरथचन्द नगरपालिकामा राप्रपाको अग्रता छ । उसलाई कांग्रेसले पछ्याइरहेको छ ।
- टिकापुर नगरपालिकामा संघीय समाजवादी फोरमको अग्रता छ, उसलाई कांग्रेसले पछ्याइरहेको छ ।
- भोजपुर नगरपालिकामा माओवादी अग्रता छ, उसलाई एमालेले पछ्याइरहेको छ ।
- डडेलधुराको गन्यापधुरा गाउँपालिकामा कांग्रेसको अग्रता छ, यो प्रधानमन्त्री शेरबहादुर देउवाको गाउँ हो ।
- डोटीको आदर्श गाउँपालिकामा एमाले अग्रता छ भने रुपन्देहीको देवदह नगरपालिकामा कांग्रेसले अग्रता लिएको छ ।
- दार्चुलाको लेकम गाउँपालिकामा एमाले र सुनवल नगरपालिकामा कांग्रेसले अग्रता लिएको छ ।
- बाजुराको गोमुल गाउँपालिका वडानम्बर १ मा एमालेका हरि रोकायाको प्यानल नै विजयी भएको छ । गाउँपालिका अध्यक्षमा पनि एमालेकै अग्रता कायम छ ।
