काठमाण्डौ । राजधानीको गोंगबुमा रहेको कान्तिपुर मलले दशैँ, तिहार तथा छठ पर्वका अवसरमा सञ्चालन गरेको उपहार योजनाका विजेतालाई सोमबार एक कार्यक्रमबीच उपहार हस्तान्तरण गरेको छ ।

उपहार योजनाअन्तर्गत प्रथम उपहार सर्लाहीका दिप्सन बस्नेतले १५० सीसीको यमाहाएफ जेड एफआईभी थ्र ीमोटरसाइकलजित्न सफल भए । उनी मात्र १८ महिनाका छन् । उनका अभिभावकले किनमेल गर्दा उनले मोटरसाइकल जितेका हुन् ।

यसैगरी द्वितीय पुरस्कार काठमाण्डौका अनुराधा ज्ञवालीले यामाहाकै १५० सीसीको एफजेड एफआईभी टु मोटरसाइकल जित्न सफल भइन् ।

यस्तै तेस्रो पुरस्कार काठमाण्डौका अनिरुद्रजंग केसीले यमाहाको १३३ सीसीको एफजेड एफआइभी टु स्कुटर जित्न सफल भए । चौथो पुरस्कार बुटवल सुख्खानगरका प्रमिरा बस्नेतले एलजीको ४३ इन्च टीभी र पाँचौँ पुरस्कार नुवाकोटका टिकाराम विश्वकर्माले ३२ इन्चको एलइडी टीभी जित्न सफल भए । 

त्यस्तै छैटौँ उपहारमा  माछापोखरी काठमाण्डौका रञ्जित कार्कीले एलजीको १९० लिटरको फ्रिज जित्न सफल भए भने बुढानिलकण्ठकी लोनिभा खड्काले सामसुङको मोबाइल जित्न सफल भइन् । सान्तना पुरस्कारमा विभिन्न्न पाँचजना व्यक्तिले निमाको घडी जित्न सफल भए ।

कार्यक्रममा कान्तिपुर मलका महाप्रबन्धक अमर निरौलाले दशैँतिहारमा सञ्चालित उपहार योजना कार्यक्रम उत्साहजनक ढंगबाट सम्पन्न भएको बताए।