कुसोमको फाइनान्स क्लबको कार्यक्रम

काठमाण्डौ । काठमाडौं युनिभर्सिटी स्कुल अफ म्यानेजमेन्ट(कुसोम) फाइनान्स क्लबले ‘कर्पोरेट गभर्नेन्स मेकानिजम स्थापना गर्न सरोकारवालाको भूमिका’ भन्ने सबैभन्दा महत्वपूर्ण मुद्दाहरूमध्ये एउटा प्यानल छलफल सफलतापूर्वक सम्पन्न गरेको छ। प्यानलमा विभिन्न क्षेत्रका विज्ञहरु सहभागी थिए । 

मेगा क्यापिटल लिमिटेडका कार्यवाहक सीईओ सुलभ श्रेष्ठ, एनआईबीएल एस क्यापिटलका कर्पोरेट एड्भाइजरी प्रमुख भुवनराज पन्त र कुसमका एसोसिएट प्रोफेसर तथा उपभोक्ता व्यवहारका जानकार रोशी लामिछानेले प्यानलमा प्रतिनिधित्व गरेका थिए । 
प्यानल छलफलको संचालन आर्थिक पत्रकार समाज नेपाल (सेजन)का प्रमुख कार्यकारी अधिकृत आश्विन पराजुलीले गरेका थिए ।

छलफलमा विश्वविद्यालय भित्र र बाहिरका विभिन्न पाठ्यक्रमहरूका सयौं विद्यार्थीहरूको पनि सहभागिता थियो । 

क्लबका संयोजक इशान गिरीले स्वागत मन्तव्य दिएपछि कार्यक्रमको औपचारिक सुरुवात भएको थियो । छलफलमा पारदर्शिता र खुलासादेखि लिएर नियामक स्यान्डबक्स सिद्धान्त, बोर्ड संरचना र स्वतन्त्र निर्देशक, शेयरधनीहरूको अधिकार र ह्वाइटलब्लोइङ संयन्त्र र नेपालको पुँजी बजार र विभिन्न सार्वजनिक कम्पनीहरूको सन्दर्भमा एजेन्सी सिद्धान्तसम्मका विभिन्न विषयहरू समेटिएको थियो। 

प्रश्नउत्तर सत्रमा दर्शकहरुको सक्रिय सहभागिता रहेको थियो जसले प्यानलका सदस्यहरुलाई उत्साहपूर्वक प्रश्नहरु राखेका थिए । ती प्रश्नहरुको प्यानलहरुबाट वास्तविक जीवनका उदाहरणहरु सहित सम्बोधन भएको थियो ।