काठमाण्डौ । नेपालमा टीभीएस टु–ह्विलर्सको एकमात्र वितरक जगदम्बा मोटर्सले काभ्रेको भकुन्डेबेसी–७ नमो बुद्धस्थित पूर्ण सुविधासहितको नयाँ शोरुम ‘नमो बुद्ध अटो पार्ट्स’ सञ्चालनमा ल्याएको छ।

ग्राहकलाई टीभीएस मोटरसाइकल तथा स्कुटरको बिक्री, सेवा र स्पेयर पार्ट्स सहज रुपमा उपलब्ध गराउने उद्देश्यका साथ मिडिया र टीभीएसका प्रतिनिधिबीच भकुन्डेबेसीमा नयाँ शोरुम सुरु गरिएको हो।

भकुन्डेबेसीको नयाँ शोरुममा बोल्दै जगदम्बा मोटर्सका उपाध्यक्ष दीपक रौनियारले भने, ‘टीभीएसमा ग्राहकलाई अझ राम्रो सेवा प्रदान गर्न हामी सधैँ प्रयासरत छौँ। ग्राहकलाई थप प्रभावकारी र छिटोछरितो रुपमा सेवा दिन नयाँ सुविधा थपिएको हो। टीभीएसले निरन्तर रूपमा आफ्ना ग्राहकको सुविधा र गुणस्तरीय सेवामा ध्यान दिइरहेको छ।’

जगदम्बा मोटर्स नेपालमा टीभीएस दुईपांग्रे सवारीसाधनको एकमात्र आधिकारिक वितरक हो। नेपालमा १३७ बढी डिलर र २०० बढी सेवा र स्पेयर पार्ट्स स्टेसनहरुको बलियो राष्ट्रव्यापी वितरण सञ्जालका साथ टीभीएसले बजारमा आफ्नो बलियो पकड कायम राख्न र ग्राहकको मनमा स्थान बनाउन सक्षम भएको छ। गुणस्तरीय उत्पादन, बिक्रीपछिको सेवा र देशभर ब्याकअप पार्टपुर्जाको उपलब्धतामार्फत उपभोक्तालाई दिएको उच्चतम सन्तुष्टिका कारणले आज टीभीएस नेपालमा सबैभन्दा रुचाइएको दुईपांग्रे ब्रान्ड बनेको छ।