काठमाण्डौ । मोबाइल वालेट कम्पनी डिजी पे प्रालि र नेपालकै नं एक न्युज टेलिभिजन च्यानेल एबीसी न्युज टेलिभिजनबीच सहकार्यका लागि नयाँ सम्झौता भएको छ। 

टेलिभिजनमार्फत व्यावसायिक प्रवर्द्धनका लागि नेपालमै नौलो खालको सम्झौता भएको हो। सम्झौताअनुसार डिजी पेको व्यावसायिक आवद्ध योजनाअनुरुप डिजी पेसँग आवद्ध हुने व्यवसायीले एबीसी टेलिजिभजनमा विशेष सहुलियतमा २ महिनासम्म रु. १ लाख ५० हजार मूल्यबराबरको विज्ञापन प्रसारण गर्न पाउने भएका छन्। यसका साथै अन्य विज्ञापनमा पनि विशेष छुटको व्यवस्था गरिएको छ। 

यो योजना र अफर डिजी पेमा आबद्ध व्यवसायीहरुका लागिमात्र लागू हुनेछ। 

सम्झौतापत्रमा एबीसी टेलिभिजनका महाप्रबन्धक पूर्णबहादुर जीसी र डिजी पेका अध्यक्ष दिवाकरबहादुर पाण्डेले हस्ताक्षर गरेका छन् ।