दशैंलाई लक्षित गरी हवाई भाडा घट्यो, कुन गन्तव्य पुग्न कति ?(भाडादरसहित)

काठमाण्डौ । नेपाल आयल निगमले आन्तरिकतर्फको हवाई इन्धनको मूल्य घटाएको केही दिनभित्रै दशैं तथा तिहारलाई सहुलियत दिने उद्देश्यले बिमान संचालक कम्पनीले हवाई भाडा घटाएका छन् ।

वायुसेवा संचालक संघको आइतबार बसेको बैठकले असोज ४ गते मंगलबारदेखि लागू हुने गरी आन्तरिकतर्फको हवाई भाडा समायोजनको निर्णय गरेको हो ।

नेपाल आयल निगमले हवाई इन्धनको भाउ प्रति लिटर ५ रुपैयाँले घटाई ९४ रुपैयाँ कायम गरेको थियो । सोही आधारमा पुरानो भाडादरमा केही परिवर्तन गरी सर्वसाधारणलाई सहुलियत दिने प्रयास गरिएको संघका एक अधिकारीले जानकारी दिए । उनका अनुसार संघले प्रतियात्रु प्रतिमिनेटका दरले गन्तव्यका आधारमा भाडा घटबढ गर्दै आएको प्रष्ट्याए ।

ती अधिकारीका अनुसार काठमाण्डौबाट सबैभन्दा नजिकको गन्तव्य सिमराका लागि प्रति यात्रुको साबिक भाडादरमा ५३ रुपैयाँ घटाइएको छ । सबैभन्दा टाढाको गन्तव्य धनगढीमा प्रतियात्रु १९३ रुपैयाँले हवाई भाडा समायोजन भएको छ । 

यसअघि असारमा निगमले हवाइ इन्धनको मूल्य घटाएलगत्तै आन्तरिक वायुसेवा कम्पनीले पनि हवाई भाडा समायोजन गरेका थिए । 

कुन गन्तव्यको भाडा दर कति कायम भयो ? हेर्नुहोस् तालिका :