काठमाण्डौ । नबिल बैंक र नेपालमा हुन्डाई गाडीको आधिकारिक बिक्रेता लक्ष्मी इन्टरकन्टिनेन्टलबीच विद्युतीय सवारीसाधन (ईभी) र इन्टरनल कम्बुस्टन इन्जिन (आईसीई) भेहिकलका कर्जा सुविधा उपलब्ध गराउने सम्झौता भएको छ। 

सम्झौतापत्रमा नबिल बैंकका सिनियर डीसीईओ सुजितकुमार शाक्य र लक्ष्मी इन्टरकन्टिनेन्टलका जनरल म्यानेजर इन्द्रप्रसाद सापकोटाले हस्ताक्षर गरेका छन्। यो सम्झौतासँगै ग्राहकले हुन्डाई गाडी, ईभी र ईसीई खरिदका लागि नबिल बैंकबाट १२.९९ प्रतिशत ब्याजदरमा कर्जा सुविधा पाउने भएका छन्। 

आवश्यक कागजपत्र प्रमाणीकरण भएको ३ कार्यदिनभित्र ग्राहकले कर्जा सुविधा पाउनेछ। यस्तो कर्जा ७ वर्ष अवधिको हुनेछ। ईभी गाडी खरिदका हकमा व्यक्तिले कुल मूल्यको ८० प्रतिशतसम्म र संस्थाले ७० प्रतिशतसम्म कर्जा उपलब्ध गराइने सम्झौता भएको छ। आईसीईमा भने व्यक्तिले ५० प्रतिशत र संस्थाले ७० प्रतिशतसम्म कर्जा सुविधा पाउनेछन्। 

ग्राहकले यो सुविधा देशभर रहेका नबिल बैंकका शाखा कार्यालयहरु र हुन्डाईका १७ वटा शोरुमबाट सहजै प्राप्त गर्न सक्ने कम्पनीले जनाएको छ। योसँगै ग्राहकले आफू चाहेको हुन्डाईको गाडी सजिलै खरिद गर्न सक्ने विश्वास कम्पनीले लिएको छ।