काठमाण्डौ । हायर इलेक्ट्रोनिकको अधिकृत बिक्रेता नियोटेरिक नेपाल प्रालिले रेफ्रिजेरेटर खरिद गर्ने सोचमा बसेका आफ्ना ग्राहकका लागि नयाँ वर्ष २०७९ को शुभ उपलक्ष्यमा कुलेस्ट अफरलाई नेपाली बजारमा ल्याएको छ। 

यस योजनाअन्तर्गत ग्राहकले हायरको सम्पूर्ण रेफ्रिजेरेटर खरिदमा १५% सम्मको नगद छुट प्राप्त गर्न सक्नेछन्। विभिन्न कलर तथा डिजाइनहरुले परिस्कृत यस हायरका रेफ्रिजेरेटरहरुमा १० वर्षको वारेन्टी रहेको छ। यसका साथै ग्राहकले हायरको रेफ्रिजेरेटरहरु ०% ब्याजदरसहित महिनावारी किस्तामा समेत खरिद गर्न सक्नेछन्। 

यसैसँग कम्पनीले हालसालै आफ्नो साइड बाई साइड रेफ्रिजरेटरहरु पनि बजारमा भित्र्याएको छ। फराकिलो तथा कन्भर्टिबल फ्रिज, एक्सपर्ट इन्भर्टर टेक्नोलोजी, डेओ फ्रेस टेक्नोलोजी र म्याजिक कुलिङजस्ता अन्य विशेषताहरु रहेका यी रेफ्रिजरेटरहरुलाई मनमोहक डिजाइन र लुकले थप आकर्षक बनाएको छ।  

विश्वव्यापी अग्रणी इलेक्ट्रोनिक कम्पनीका रुपमा स्थापित हायरलाई यूरोमोनिटर इन्टरनेसनलले लगातार १२ वर्षसम्म विश्वको नम्बर १ होम एपलाइन्सेस ब्रान्डका रुपमा पहिचान गरेको छ। अद्वितीय डिजाइन र उत्कृष्ट गुणस्तरका लागि चिनिने हायरले इलेक्ट्रोनिक बजारमा आफ्नो छुट्टै् पहिचान बनाउन सफल भएको छ।