नेपालमै पहिलोपटक नबिल बैंकले सुरु गर्यो ‘नबिल फोन लोन’ सुविधा, यसरी पाइन्छ मोबाइलबाटै ऋण

काठमाण्डौ । निजी क्षेत्रको अग्रणी बैंक नबिल बैंक लिमिटेडले नेपालमै पहिलोपटक फोनबाट लोन लिने सुविधा सुरु गरेको छ।

डिजिटल बैंकिङ प्रणालीमा अब्बल रहेको नबिलले तलबी खाताबाहक ग्राहकहरुले आवश्यकताअनुसार १ लाख रुपैयाँसम्म ऋण मोबाइलबाट तुरुन्त प्राप्त गर्न सक्नेछन्। 

कसरी पाइन्छ ऋण ?

यो एक नवीनतम डिजिटल सुविधा हो Â यो सेवा बैंकले एफ वान सफ्ट इन्टरनेसनल प्रँलिको सहकार्यमा ल्याएको हो। नबिल स्मार्ट बैंकको विश्लेषणात्मक प्रविधिको महत्वपूर्ण भूमिका रहेको यस सेवामार्फत निवेदन दिएको केही मिनेटमै ग्राहकको ‘भर्चुअल क्रेडिट कार्ड’ मार्फत खातामा ऋण उपलब्ध गराइन्छ। यो सुविधा लिन नबिलको स्मार्टबैंक प्रयोगकर्ता हुनुपर्ने र यस प्रकारको ऋण छोटो अवधिका लागि उपलब्ध रहनेछ। 

फोन लोनका विशेषताहरु

कन्ट्याक लेस डिजिटल ल्यान्डिङ एक्सपेरियन्स : ऋण लिन इच्छुक ग्राहकले बैंकको शाखा भ्रमण गर्नुका साथै कुनै कागजी प्रक्रिया बिना नै नबिल बैंकले आफ्नो स्मार्टबैंक एपको प्रयोग गरी ऋणका लागि निवेदन दिन सक्छन्। 

इनस्ट्यान्ड लोन : बैंकले सम्पूर्ण प्रक्रिया पूरा गरी तुरुन्त ऋण प्रवाह गर्दछ।

बिना धितो ऋण : ग्राहकको बैंकिङ कारोबारसँग निहीत भएकाले कुनै अतिरिक्त धितो आवश्यक नपर्ने।

सूक्ष्म ऋण : यस योजनाअन्तर्गत रु. १ लाखसम्म ऋणको सुविधा लिन सकिने।

बैंकका प्रमुख कार्यकारी अधिृकत अनिलकेशरी शाहका अनुसार बिना धितो, बिना कागजी प्रक्रिया, बिना बैंक शाखा भ्रमण तथा तुरुन्त ऋण प्राप्त गर्न सकिनेजस्ता विशेषताले गर्दा यो अत्यन्तै लोकप्रिय हुनुका साथै ग्राहकको केन्द्र बन्छ। उनले भने, ‘नेपालमा पहिलोपटक स्मार्ट बैंक एपमार्फत यति सहज र सरल सुविधा प्रस्तुत गर्न सक्नु गौरवको विषय हो।’

हाल बैंकका ११९ शाखा तथा १८४ वटा एटीएम सञ्जालमार्फत सेवा दिँदै आएको छ। नयाँ बैंकिङ पद्धतिलाई अनुशरण गर्ने र नेपाली डिजिटल बैंकिङ क्षेत्र रहँदै आएको बैंक हो।