काठमाण्डौ । अन्ततः सुरुवाती अग्रतालाई कायम राख्दै क्षेत्रफलको हिसाबले देशकै ठूलो महानगर पोखरा लेखनाथमा एमालेले बाजी मारेको छ । 

एमालेले यहाँ मेयर र उपमेयरमै बाजी मारेको हो । एमालेको तर्फबाट मेयरका उम्मेद्वार मानबहादुर जिसी करिब १४ हजारमतको अग्रतासहित शानदार जित हासिल गरेका हुन् । 

उनले ६० हजार ४ सय २३ मत पाए भने उनका निकटतम प्रतिदन्दी नेपाली कांग्रेसका रामजी कुँवरले ४६ हजार ४ सय ७३ मतमै चित्त बुुझाउनुपर्यो । 

उपमेयरमा एमालेकी मञ्जुु गुरुंगले जित हासिल गरिन् । उनले ५६ हजार ४ सय ४८ मत पाइन् भने निकटतम प्रतिदन्दी कांग्रेसकी सरस्वती गुरुंगले ४४ हजार ३ सय ३८ मात्र प्राप्त गरिन् ।