भैरहवा । मंगलम इन्डस्ट्रिज लिमिटेड (मंगलम पाइप) र लायन्स क्लब अफ भैरहवा लिगेसीको संयुक्त आयोजनामा भैरहवामा वृक्षरोपण र ट्यांकी वितरण कार्यक्रम सम्पन्न भएको छ। 

मंगलम इन्डस्ट्रिज र लायन्स क्लबले शनिबार रुपन्देहीको सिद्धार्थनगर नगरपालिका–४ स्थित श्री नवदुर्गा माध्यमिक विद्यालयमा वृक्षारोपण गरेका हुन्। मंगलम इन्डस्ट्रिजका निर्देशक सुर्दशन चुडीवालको (प्रमुख आतिथ्यता), कार्यकारी निर्देशक अभिनव चुडीवाल, महाप्रबन्धक प्रदिप शुक्ला र लायन्स भैरहवा लिगेसीका अध्यक्ष रविकान्त उपाध्यायको अध्यक्षताको विशिष्ट आतिथ्यतामा सम्पन्न कार्यक्रममा लायन्स अगुवाहरु धिरज मल्लिक, गोविन्द प्रसाद गिरी, अरुण कुमार मिश्रा, विद्यालय व्यवस्थापन समितिका अध्यक्ष गोविन्द यादवलगायतले विद्यालयलाई हराभरा बनाउन वृक्षरोपण कार्यक्रमले सहयोग पुर्याउने बताए। 

कार्यक्रममा विद्यालयलाई पानी ट्यांकी पनि हस्तान्तरण गरिएको थियो। कार्यक्रम संयोजक तथा लायन्स भैरहवा लिगेसीका प्रथम उपाध्यक्ष राजन शुक्लाको स्वागत, मंगलम इन्डस्ट्रिजका महाप्रबन्धक प्रदीप शुक्लाको धन्यवाद ज्ञापन तथा लायन्स भैरहवा लिगेसीका सहसचिव गोविन्द उपाध्यायको सञ्चालनमा कार्यक्रम सम्पन्न भएको थियो।