काठमाण्डौ । देशकै पुरानो महानगर काठमाण्डौका पछिल्लो मतपरिणाम प्राप्त भएको छ । जसअनुसार एमालेको तर्फबाट मेयरका उम्मेद्वार विद्यासुन्दर शाक्यले मत अन्तरलाई निकै फराकिलो बनाउँदै लगेका छन् । 

महानगरको कुल ७८ हजार ८ सय २९ मत गन्दा शाक्यले २५ हजार ९ सय २ मत प्राप्त गरेका छन् भने उनका निकटतम प्रतिदन्दी कांग्रेसका राजुुराज जोशीले १८ हजार ७ सय १७ मत प्राप्त गरेका छन् । यसरी जोशी शाक्य भन्दा ७ हजार १ सय ८५ मतले पछाडि परिसकेका छन् । 

विवेकशीलकी रञ्जु दर्शना १० हजार ८ सय ७० मतसहित तेश्रो स्थानमा छिन् । चौथो स्थानमा रहेका साझाका किशोर थापाले ७ हजार ८ सय ९७ मत ल्याएका छन् । 

उपमेयरतर्फ कांग्रेस उम्मेद्वार हरिप्रभा खड्गीले १० हजार मत अन्तरले अगाडि छिन् । उनको २४ हजार २ सय २७ मत छ भने राप्रपाका राजाराम श्रेष्ठले १४ हजार ४ सय २७ मत पाएका छन् ।