काठमाण्डौ । देशकै ठूलो महानगरपालिका भरतपुरको ताजा मतपरिणाम प्राप्त भएको छ । राति १२ बजे सार्वजनिक गरिएको मतपरिणाम अनुसार यहाँ एमाले उम्मेद्वारको अग्रता कायम छ । 

एमाले उम्मेद्वार मानबहादुर जिसीले १५ हजार १ सय २१ मतले अग्रता लिएका छन् । कांग्रेसका रामजी कुँवरले १४ हजार ४ सय ५५ मत प्राप्त गरेका छन् । जिसीले कुँवरलाई केही फराकिलो मत अन्तरले पछाडि छाडेका हुन् । 

उपमेयरमा पनि एमाले नै अगाडि छ । एमाले उम्मेद्वार मञ्जुदेवी गुरुंगले १४ हजार १ सय ४३ मत प्राप्त गरेकी छिन् । उनलाई कांग्रेसकी सरस्वती गुरुंगले १३ हजार ४ सय ४२ मतले पछ्याइरहेकी छिन् । तेश्रो स्थानमा रहेको माओवादी केन्द्रकी गोमा ढकालले २१ सय ९७ मत प्राप्त गरेकी छिन्।