काठमाण्डौ । लक्की ग्रुपको भागिनी संस्था गणपति वनस्पति प्रालिको ‘चाडपर्वको बहार हरेक हप्ता उपहार’ योजनाअन्तर्गत तेस्रो हप्ताको लक्कीमार्फत विजेताहरुलाई आज आयोजित एक कार्यक्रमबीच पुरस्कार वितरण गरिएको छ। 

यो तेस्रो हप्ताको प्रश्नोत्तर ‘सल्भ दी पज्जल’  रहेको थियो। जसअन्तर्गत प्रतियोगितामा भाग लिई लक्की ड्रमार्फत विजेता हुन सफल प्रतियोगीमध्ये २ जनाले जनही १–१ कार्टुन रामदेव सनफलावर तेल प्राप्त गरेका छन्। प्रतियोगितामा सहभागी भई विजेता हुन सफल  हुनेमा काठमाण्डौ थानकोटकी सुभद्रा बिष्ट र काठमाण्डौ टेकुकी स्वाती महर्जन छन्। 

दुवैलाई गणपति बनस्पतिका मार्केटिङ मेनेजर विनोद श्रेष्ठले पुरस्कार हस्तान्तरण गरेका थिए। 

कम्पनीले नेपालीको महान चाड तीजदेखि छठ पर्वसम्मका लागि यो योजना सार्वजनिक गरेको छ। जसअनुसार डिजिटल मिडिया फेसबुकमार्फत हुने प्रतिस्र्पधामा जोसुकैले पनि भाग लिन सक्ने तथा हरेक हप्ता २ जना विजेतालाई लक्की ड्रमार्फत पुरस्कार वितरण गरिने कम्पनीले जनाएको छ।