चितवन । भरतपुर महानगरपलिकामा शुक्रबार साँझबाट स्थगित मतगणना सुरु भएको छ । १० नम्बर वडाबाट मतगणना सुरु भएको हो । 

मुख्य राजनीतिक दलका नेताहरु सम्मिलित कार्यदल गठनसँगै विरोधमा रहेका कांग्रेस, माओवादी केन्द्र र राप्रपा समेत सहमतिमा आएपछि मतगणना सुरु भएको हो ।

९ नम्बर वडाको मतका विषयमा रहेको विवाद के गर्ने, पुनः गणना गर्ने या नगर्ने भन्ने विषय उक्त कार्य दलले निर्णय लिनेछ । 

बदर मत पनि सार्वजनिक गर्ने, मत सार्वजनिक गर्न सूचना अधिकारी तोक्ने, राजनीतिक दलका प्रतिनिधिलाई जानकारी गराएपछि मात्रै मतपरिणाम सार्वजनिक गर्ने लगायतका विषयमा सहमति भएको छ ।