काठमाण्डौ। लक्ष्मी ल्युव आयल प्रालिले मंगलबार काठमाण्डौमा ‘रिटेलर्स एन्ड मेकानिक्स मिट’ को आयोजना गरेको छ। जसमा २०० भन्दा बढी रिटेलर्स र मेकानिक्ससँग अन्तर्क्रिया गरिएको थियो। 

महाराजगन्जदेखि कलंकी एरियाका लागि टोटल इनर्जिका विक्रेता सुनकोशी इन्टरप्राइजेज र लक्ष्मी ल्युब आयलको सहकार्यमा उक्त कार्यक्रमको आयोजना गरिएको थियो। सुनकोशी इन्टरप्राइजेजका म्यानेजिङ डाइरेक्टर रामशरण कार्कीको अध्यक्ष्यतामा आयोजना गरिएको कार्यक्रममा विशिष्ट अतिथिका रुपमा लक्ष्मी कमर्सियल भेहिकल्स तथा अटोकम्पोनेन्टका अपरेसन डाइरेक्टर कपिल शिवाकोटी,  प्रमुख अतिथिका रुपमा नेपाल अटो मेकानिक्स व्यवसायी संघका अध्यक्ष ठाकुरप्रसाद न्यौपाने र लक्ष्मी ल्युब आयलका बिजनेस हेड रवीन्द्र उपाध्याय अतिथिका रुपमा रहेका थिए। 

कार्यक्रममा टोटल इनर्जीद्वारा उत्पादित विभिन्न सेग्मेन्ट र साइजमा उत्पादित टोटल लुब्रिकेन्टहरुको बारेमा जानकारी पनि दिइएको थियो। सन् २०२२ का लागि रिटेलर्स स्किम पनि सार्वजनिक गरिएको थियो।