काठमाण्डौ। लक्ष्मी बैंकका कर्मचारीहरुद्वारा प्रवर्द्धित तथा सञ्चालित गैरनाफामुलक संस्था लक्ष्मी केयर्सको आयोजनामा ट्रिब्युट टु लिजेन्ड्स नामक सांगीतिक कार्यक्रम सम्पन्न भएको छ। 

वरिष्ठ गायक दिपक खरेलको सम्मानमा आयोजित कार्यक्रममा गायक खरेलले करिब ३०० दर्शक तथा श्रोतामाझा आफ्नो एकल प्रस्तुत गरेका थिए। 

विभिन्न कर्पोरेट संस्थाका विशिष्ट व्यक्तिहरुका साथसाथै संगीतका पारखीहरुको उपस्थिति रहेको कार्यक्रम गाला डिनरका साथ सम्पन्न भएको थियो। कार्यक्रमको आयोजनाबाट प्राप्त रकम लक्ष्मी केयर्सले सामाजिक कार्यमा उपयोग गर्नेछ। 

सन् २०१९ मा वरिष्ठ गायक दिप श्रेष्ठको एकल गायनका साथ सुरु भएका ट्रिब्युट टु लिजेन्ड्स शृंखलाको यो दोस्रो संस्करण हो।