लक्ष्मी कमर्सियल भेहिकल्समार्फत एसएमएल इसुजुको कमर्सियल गाडीहरुको फ्री सर्भिस क्याम्प सुरु

काठमाण्डौ । लक्ष्मी ग्रुप सन् १९७३ मा स्थापित प्रतिष्ठित औद्योगिक तथा व्यापारिक घराना हो। लक्ष्मी ग्रुप हुन्डाईका प्यासेन्जर कारहरु, बीएमडब्लुका कारहरुको नेपालको एकमात्र आधिकारिक बिक्रेता हो। लक्ष्मी ग्रुपले नै हिरो इलेक्ट्रिकका टु ह्विलर स्कुटरहरु र एसएमएल इसुजुका कमर्सियल गाडीहरुको आधिकारिक बितरक भै कार्य गरि आएको छ। 

लक्ष्मी ग्रुपअन्तर्गतको लक्ष्मी कमर्सियल भेहिकल्स प्रालिले नेपालमा एसएमएल इसुजुका कमर्सियल गाडीहरुको आधिकारिक वितरकको रुपमा कार्य गर्दै आएको छ। यसले भारतको चण्डीगढमा अवस्थित एसएमएल इसुजुको कारखानाबाट उत्पादित गाडीहरु नेपालमा आयात गरि नेपालको बजारमा बिक्री बितरण गर्ने र उक्त गाडीहरुलाई बिक्रीपछिको सेवा पनि दिँदै आएको छ। एसएमएल इसुजुले १४ सिट क्षमतादेखि ५५ सिट क्षमतासम्मका  स्कुल बसहरु, स्टाफ बसहरु तथा ३ टनदेखि ९ टन क्षमताका ट्रकहरुदेखि ३ देखि ६ क्युबिक मिटर क्षमताका टिपर ट्रकहरु उत्पादन गर्ने गर्दछ। मजबुत वनावट र इन्धन किफायती भएका कारण एसएमएल इसुजुका गाडीहरु नेपालमा ग्राहकहरुको रोजाइमा पर्न सफल भएका छन्। 

लक्ष्मी कमर्सियल भेहिकल्सले आफ्ना ग्राहकहरुलाई गुर्जुधारामा रहेको आफ्नो सर्भिस सेन्टर र नेपालका बिभिन्न क्षेत्रमा रहेका आफना वर्कशप तथा अथोराइज्ड वर्कशपहरुमार्फत बिक्रीपछिको मर्मतसम्भार तथा स्पेयर पार्टसको सुविधा दिँदै आएको छ। यसै क्रममा आफ्ना ग्राहकहरुलाई थप सुविधा दिनका लागि एसएमएल इसुजुका गाडीहरुका लागि एक हप्ताको निःशुल्क सर्भिस क्याम्प काठमाण्डौको गुर्जुधारामा रहेको जीएफआई सर्भिस सेन्टरमा सञ्चालन गर्दैछ। यो सर्भिस क्याम्प यही फागुन २९ गतेदेखि चैत ४ गतेसम्म जम्मा ६ दिनसम्म सञ्चालन हुनेछ। यो सर्भिस क्याम्पबाट एसएमएल इसुजुका ग्राहकहरुले निम्नानुसारका सेवा तथा सुविधा पाउने छन् : 

• अगाडि बम्परदेखि पछाडि बम्परसम्म गाडीका सबै पार्टपुर्जाको १००% फ्री चेकजाँच गरिनेछ। 
• सामान्य मर्मतसम्भारमा लाग्ने लेबर चार्जमा पनि १००% छुट दिइनेछ। 
• विशिष्टीकृत मर्मतसम्भारमा लाग्ने लेबर चार्जमा ५०% सम्मको छुट दिइनेछ। 
• लुब्रिकेन्टहरुमा १५% को छुट उपलब्ध गराइनेछ। 
• स्पेयर पार्टसहरुमा ५०% सम्मको छुट सुविधा रहेको छ। 
• यसका साथै फ्री सर्भिस क्याम्पमा आउने ग्राहकहरु तथा चालकहरुका लागि विशेष गिफ्टहरु प्रदान गरिनेछ। 

यो सर्भिस क्याम्पमा आफ्ना एसएमएल इसुजुका गाडीहरु लिएर आएर बिभिन्न छुट तथा तालिम प्राप्त इन्जिनियरहरुबाट चेकजाँच गराई सुविधा लिन आफना ग्राहकहरुलाई लक्ष्मी कमर्सियल भेहिकल्सले अनुरोध गरको छ।