काठमाण्डौ । ललितपुर महानगरको पछिल्लो मत परिणाम प्राप्त भएको छ । मत अपडेट अनुसार यो क्षेत्रमा कांग्रेसका उम्मेद्वारले नै अग्रता लिइरहेका छन् । 

कांग्रेसका चिरिबाबुु महर्जनले १७ हजार ५ सय ६७ मत ल्याएका छन् । उनलाई एमालेका हरिकृष्ण व्यञ्जनकारले १६ हजार २ सय ४६ मतले पछ्याइरहेका छन् । साझा पार्टीका रमेश महर्जनले यो क्षेत्रमा १० हजार ३ सय ४७ मत प्राप्त गरेका छन् । 

उपमेयरमा पनि कांग्रेसकै अग्रता छ । कांग्रेस उम्मेद्वार गीता सत्यालले १३ हजार ५ सय ४६ मतका साथ अग्रता लिइरहेकी छिन् । उनलाई साझा पार्टीकी शोभा शाक्यले ११ हजार ९ मतले पछ्याइरहेकी छिन् । उपमेयरमा तेश्रो स्थानमा राप्रपाका बाबुुकाजी थापाको १० हजार ४ मत छ ।