काठमाण्डौ । ललितपुर महानगरपालिकाको ताजा मत परिणाम पनि सार्वजनिक भएको छ । पछिल्लो मत अपडेट अनुसार कांग्रेसका चिरिबाबु महर्जनको अग्रता कायमै छ । उनले निकटतम प्रतिदन्दी एमालेका मेयर पदका उम्मेद्वारलाई १ हजार १ सय ५६ मतले उछिनेका छन् । 

कांग्रेसका मेयर पदका उम्मेद्वार चिरिबाबु महर्जनले १८ हजार १ सय ३८ मत ल्याएका छन् भने एमालेका हरिकृष्ण व्यञ्जनकारले १६ हजार ९ सय ८२ मत ल्याएका छन् । मतगणना गर्न अझै धेरै बाँकी छ ।

यस्तै, उपमेयरतर्फ पनि कांग्रेस उम्मेद्वार गीता सत्याल १४ हजार ८८ मतसहित अगाडि छिन् । उनलाई माओवादी केन्द्रकी हसिना शाक्यले ११ हजार ७ सय ५२ मतले पछ्याइरहेकी छिन् । तेश्रो स्थानमा रहेका राप्रपाका बाबुुकाजी थापाले ७ हजार ५ सय ७२ मत पाएका छन् ।