लोकसेवा विशेष सामग्री

लोकसेवा विशेष सामग्री–१०
राष्ट्रिय कर दिवसबारे जानौँ, नमुना प्रश्नपत्र हल गरौँ

बिजशाला

काठमाण्डौ । लोकसेवा विशेष सामग्री आज हामी १० औँ भागमा प्रस्तुत गर्दैछौँ।

हरेक सोमबार लोकसेवा परीक्षाको तयारी गरिरहेका हाम्रा पाठकका लागि नमुना प्रश्नसेटसहित समसामयिक घटनाक्रम समेटेर यो सामग्री दिँदै आएका छौँ । यसले लोकसेवा परीक्षासँगै लोकसेवाबाट लिइने विभिन्न संघसंस्थाको परीक्षाको तयारी गरिरहेका सघाउ पुगेको हामीलाई विश्वास छ ।

अनलाइनमार्फत प्रस्तुत गरिरहेका यो सामग्रीलाई अझ उत्कृष्ट बनाउन तपाइँहरुको प्रतिक्रिया पनि हामीलाई आवश्यक छ । त्यसैले हाम्रो यो प्रयासमा केही कमीकमजोरी भए हामीलाई सीधा सम्पर्क गर्नुहोला ।

- लेखक : तिलाचन सापकोटा

केही महत्वपूर्ण समसामयिक

राष्ट्रिय कर दिवस, २०७६

कर दिवस, २०७५ को नारा “स्वच्छ कर प्रशासन, विकास र सुशासन ।” रहेको छ । प्रत्येक वर्ष मंसिर १ गते कर दिवस मनाइन्छ । कर दिवस वि.सं. २०६९ बाट मनाउन थलिएको हो । वि.सं. २०५४ मंसिर १ गतेबाट नेपालमा मूल्य अभिवृद्धि कर (भ्याट) लागू भएको सम्झनामा मनाउन थालिएको हो ।

हालसम्मका राष्ट्रिय कर दिवसका नाराहरू :

२०६९ः “करको चर्चा घरघरमा गरौँ, कर तिरौँ, राष्ट्र निर्माण अभियानमा सहभागी बनौँ ।”
२०७०ः “करदातामैत्री कर प्रशासनको अभियान ।”
२०७१ः “करदाता मैत्री कर प्रशासनः समृद्ध र सुशासन हाम्रो अभियान ।”
२०७२ः “समृद्ध राष्ट्र निर्माण र फराकिलो कराधारः करदातामैत्री एवं सुदृढ कर प्रणाली पूर्वाधार ।”
२०७३ः “गौरवका साथ तिरौँ कर, समृद्ध राष्ट्र हाम्रो रहर ।”
२०७४ः “हाम्रो पौरख हाम्रो कर, राष्ट्र निर्माणको दिगो भर ।”
२०७५ः “कर : समृद्ध नेपाल, सुखी नेपालीको भर ।”
२०७६ः “स्वच्छ कर प्रशासन, विकास र सुशासन ।”