काठमाण्डौ । काठमाण्डौको कमलपोखरीमा रहेको व्यावसायिक भवन सिटी सेन्टरले विगतमा झैँ नयाँ वर्ष २०२० तथा नेपाल भ्रमण वर्ष २०२० लाई लक्षित गरी विशेष कार्यक्रम ‘सिटी सेन्टर विन्टर फेस्ट विथ म्यासिभ सेल’ को घोषणा गरेको छ ।

विन्टर फेस्टको उपलक्ष्यमा ग्राहकलाई ८० प्रतिशतसम्मको विशेष छुट उपलब्ध गराउने सिटी सेन्टरले जनाएको छ । यसका साथै सेन्टरले राखेका पप अप स्टोरबाट ग्राहकहरुले विशेष छुटको लाभ लिन सक्नेछन् ।

युवा वर्गलाई लक्षित गरी ल्याइएको यस कार्यक्रममा मनोरञ्जनात्मक गेममा आकर्षक उपहार प्रदान गरिने सेन्टरले जनाएको छ ।

अनुप्रस्थ, फ्युजन मन्त्र, मेलोडिक किज, रागमानी तथा जिंगल बेल्सजस्ता चर्चित ब्याण्डहरुको लाइभ प्रस्तुति विन्टर फेष्ट भरी जारी रहने सिटी सेन्टरले जनाएको छ ।