स्वावलम्बन लघुवित्तमा ५० जनालाई जागिरको अवसर

काठमाण्डौ । काठमाण्डौको बालुवाटारमा केन्द्रीय कार्यालय रहेको स्वावलम्बन लघुवित्त वित्तीय संस्था लिमिटेडले सहायक प्रशिक्षार्थी पदका लागि ५० जना कर्मचारीका लागि दरखास्त आह्वान गरेको छ । 

कार्यालयको मंगलबार निस्केको विज्ञापनमा कार्यालयको शाखा र उपशाखाहरुभित्र न्यूनतम शैक्षिक योग्यता एलएलसी/एसईईसहरको परीक्षण उत्तीर्ण उम्मेदवारहरुलाई उक्त पदका लागि दरखास्त दिन योग्य मानिएको छ । 

सहायक प्रशिक्षार्थी पदका लागि कम्तीमा ३ महिना/७५ दिन/१८० घन्टाको आधारभूत कम्प्युटर सञ्चालन प्रमाणप प्राप्त गरेको वा १०० अंकको कम्प्युटर विषय उत्तीर्ण भएको हुनुपर्नेछ । 

यसका साथै लघुवित्त संस्थाहरुकामा काम गरेको अनुभव भएकाहरुलाई कार्यालयले प्राथमिकता दिनेछ । उम्मेदवारले लिखित परीक्षा, फिल्ड अवधारणा र कम्प्युटर सञ्चालनसम्बन्धी प्रयोगात्मक परीक्षा र अन्तर्वार्ता दिनुपर्नेछ । 

उम्मेदवारको उमेरको हकमा पुरुषका लागि १८ वर्ष पूरा भई ३५ वर्ष ननाघेको र महिलाका हकमा १८ वर्ष पूरा भई ४० वर्ष ननाघेको हुनुपर्ने छ। 

उम्मेदवारहरुले विज्ञापन प्रकाशित भएको १५ दिनभित्र केन्द्रीय कार्यालयसहित इलाका कार्यालयहरु बिर्तामोड, इटहरी, लहान, बर्दिबास र वीरगन्ज तथा शाखा र उपशाखाहरु ताप्लेजुङ, फिदिम, इलाम, फिक्कल–इलाम, म्याङ्लुङ–तेह्रथुम, हिले–धनकुटा, ओलढुंगा, मानेभन्ज्याङ–ओखलढुंगा, सल्लेरी–सोलुखुम्बु र मन्थली–रामेछापमा आफ्नो आवेदन पेस गर्न सक्नेछन् । 

थप जानकारीका लागि तलको विज्ञापन हेर्नुहोस् ::