काठमाण्डौ । अल्टिमा लाइफ स्टाइलले उपभोक्ताका लागि किफायती मूल्यमा आधुनिक विशेषताहरुले सजिएको नयाँ दुई वटा स्मार्टवाच बजारमा सार्वजनिक गरेको छ । 

सार्वजनिक भएकोे स्मार्टवाचका मोडलहरुमा ‘अल्टिमा वाच सर्कल’ र ‘अल्टिमा वाच म्याजिक प्रो’ छन् । अल्टिमा वाच सर्कल त्रु अमोलेद स्मार्टवाच हो भने अल्टिमा वाच म्याजिक प्रो एक किफायती आधुनिक विशेषतायुक्त स्मार्टवाच हो ।

यी विशिष्ट वेरबलहरुले स्मार्टवाचको अपेक्षाहरू आमूल परिवर्तित गर्नुको साथै नयाँ युगको प्रविधिबाट प्रभावित शैली र व्यवहारिकता ल्याउनेमा बिस्वस्त छन् ।

‘अल्टिमा वाच सर्कल’ यही असोज १७ गते नै बजारमा सार्वजनिक भएको छ । उपोभोक्ताहरुले सीमित अवधिको लागि अल्टिमा वाच सर्कल विशेष मूल्य ३ हजार ९९९ रुपैयाँमा खरिद गर्न सक्नेछन्  । यो मूल्य सीमित संख्याको लागि मात्रै प्रबर्द्धन गरिएको  र त्यसपछि अल्टिमा वाच सर्कलको बजार मूल्य ५ हजार ९९९ रुपैयाँ रहने छ ।

‘अल्टिमा वाच म्याजिक प्रो’ पनि यही असोज १७ गते बजारमा सार्वजनिक भएको छ । उपोभोक्ताहरुले सीमित अवधिको लागि अल्टिमा वाच म्याजिक प्रो विशेष मूल्य २ हजार ९९९ रुपैयाँमा खरिद गर्न सक्नेछन् ।

यो  मूल्य सीमित संख्याको लागि मात्रै प्रबर्द्धन गरिएको र तत्पश्चात् वाच म्याजिक प्रो को पनि बजार मूल्य ५ हजार ९९९ रुपैयाँ  रहनेछ । 

हाल अल्टिमा लाइफस्टाइलले  बजारमा अडियो र वेरबल (पहिरन योग्य) उत्पादनका विस्तृत श्रृंखलाहरु  ल्याइरहेको छ ।