काठमाण्डौ । युवा उद्यमी आयुश केडिया ‘उदयमान युवा उद्यमशील’ पुरस्कारबाट सम्मानित भएका छन् ।

पर्सा मिलन केन्द्रले आइतबार काठमाण्डौमा आयोजना गरेको कार्यक्रममा उनी सम्मानित भएका हुन् ।कार्यक्रममा उपराष्ट्रपति रामसहाय यादव, उद्योग, वाणिज्य तथा आपूर्ति मन्त्री रमेश रिजाल लगायतको सहभागिता थियो ।

डीएभी प्लस टु कलेजका डाइरेक्टर सुमन बस्नेतले आयुश केडियाको प्रतिनिधित्व गर्दै उक्त सम्मानपत्र ग्रहण गरेका थिए ।उद्योगपति ताराचन्द केडियाले उद्योग क्षेत्रमा पुर्‍याएको योगदानको उच्च कदर गर्दै सो सम्मान गरिएको केन्द्रले बताएको छ ।

कार्यक्रममा पर्सा जिल्लाका सामाजिक, आर्थिक, प्राज्ञिक एवम् राजनीतिक क्षेत्रका विशिष्ट व्यक्तिहरु पनि सम्मानित भएका थिए ।