काठमाण्डौ । के तपाइँ राम्रो जागिरको खोजीमा हुनुहुन्छ ? अथवा आवश्यक ज्ञान र सीपको अभावमा हातमै आएको सुनौलो अवसर पनि गुमाउनुपरेको छ ? त्यसो हो भने अब चिन्ता नलिनुहोस्, कुमारी जबले पूर्वमिस नेपाल तथा मेडिया पर्सन एवं ट्रेनर सुगारिका केसीलगायत अन्य दक्ष प्रशिक्षकका साथमा ‘फ्रन्ट अफिस म्यानेजमेन्ट एन्ड सेक्रेटरियल एटिक्वेट्स’ तालिम सञ्चालन गर्दैछ। 

कुनै पनि अफिस अथवा संस्थाको लागि फ्रन्ट अफिस र सेक्रेटरियल विभाग अत्यन्तै महत्वपूर्ण हुन्छ। यस्तो काममा आफ्नो करिअर बनाउनका लागि र सफलता पाउनको लागि एउटा निश्चित योग्यता, सीप अथवा तालिम चाहिन्छ।

तालिमका बारेमा बोल्दै कुमारी जबका म्यानेजिङ डिरेक्टर सन्देश भण्डारीले भने, ‘अहिले काठमाण्डौलगायत विराटनगर, पोखरा, बुटवल तथा नेपालका विभिन्न सहरमा ठूलठूला व्यापारिक संस्थाहरु खोल्ने एवं ्शाखा विस्तार गर्ने काम भइरहेको छ र ती संस्थाहरुमा योग्य र तालिमप्राप्त उम्मेदवारहरुको उच्च माग रहेको छ। यहि आवश्यकतालाई ध्यानमा राख्दै हामीले फ्रन्ट अफिस एन्ड म्यानेजमेन्ट सेक्रेटरियल एटिक्वेट्स तालिम सञ्चालन गरेका हौँ। आशा छ, यो तालिममा सहभागी सम्पूर्णले कामका लागि आवश्यक ज्ञान र सीपहरु सिक्नुहुनेछ र आफुलाई एक योग्य उम्मेदवारका रुपमा प्रस्तुत गर्नुहुनेछ।’

फ्रन्ट अफिस र सेक्रेटरियल विभागमा आफ्नो करियर बनाउन चाहने व्यक्तिहरुका लागि यो तालिम अत्यन्तै उपयोगी हुनेछ। रिसेप्सनिस्ट्, पर्सनल् असिस्टान्ट, सेक्रेटरीलगायत अन्य विभिन्न कामको खोजीमा रहेका व्यक्तिहरुका लागि यो तालिम कोशेढुंगा सावित हुनेछ। तालिम यही आइतबार ७ गतेबाट सुरु हुनछे। १२ दिनको यो तालिममा सहभागी हुन इच्छुक व्यक्तिहरूले https://cutt.ly/cLRpn5w मा लग–इन गरेर अथवा वा कुमारी जबको टेलिफोन नम्बरमा सम्पर्क गर्न सक्नेछन्। 

यसका साथै कुमारी जबले समय–समयमा लेखापरीक्षण, एक्सेल, डिजिटल मार्केटिङजस्ता विषयमा पनि प्रशिक्षण सञ्चालन गर्दै आइरहेको छ।