काठमाण्डौ । देशकै पुरानो महानगर काठमाण्डौको ताजा मतपरिणाम सार्वजनिक भएको छ । हालसम्ममा एमालेले मेयर पदमा ७ हजार बढी मतले अग्रता लिएको छ । 

मेयर पदमा एमालेका उम्मेद्वार विद्यासुन्दर शाक्यले २३ हजार ४ सय २३ मत ल्याएका छन् । उनलाई कांग्रेसका राजुराज जोशीले १६ हजार ४ सय ८५ मतले पछ्याइरहेका छन् ।

विवेकशीलकी रञ्जुु दर्शना ९ हजार ३ सय २३ सहित तेश्रो स्थानमा छिन् । साझा पार्टीका किशोर थापा ६ हजार ९ सय ५३ मतसहित चौथो स्थानमा छन् ।