काठमाण्डौ । नेपाली युवा उद्यमी मञ्च (एनवाईईएफ) उद्यमशीलताको प्रवर्द्धन गर्ने उद्देश्यले आठौँ महिला–युवा उद्यमी सम्मेलन गर्ने भएको छ। 

एनवाईईएफले यही वैशाख १० गते काठमाण्डौको हायात प्लेसमा सम्मेलन गर्नेछ। सम्मेलनमा कृषि, निर्माणकार्य, शारीरिक व्यायाम, परामर्शदाता, अनुसन्धान क्षेत्रमा संलग्न महिला युवा उद्यमीको सहभागिता रहनेछ। यस वर्ष व्यवस्थित र योजनाबद्ध ढंगले गर्न लागिएको सम्मेलनको नारा ‘बियोन्ड ब्यारियर्स’ राखिएको छ।

अन्तर्राष्ट्रिय मजदुर संगठन, राष्ट्रिय वाणिज्य बैंक र युनाइटेड इन्स्योरेन्स तथा अन्य प्रायोजकद्वारा सम्मेलनको प्रायोजन गरी कार्यक्रम सफल बनाइनेछ। सम्मेलनमा १५० भन्दा बढी उद्योगीव्यवसायी, सम्बन्धित क्षेत्रका विज्ञ, नव उद्योग तथा विद्यार्थीहरुको उपस्थिति रहने अपेक्षा गरिएको छ।