काठमाण्डौ । व्यवसायीदेखि ग्राहकसम्मको समस्यालाई ध्यानमा राख्दै अनलाईन डेलिभरि प्लेटफर्म फेब बड सञ्चालनमा आएको छ । 

हाल बजारमा देखिएको डेलीभरी समस्यालाई छिटो, छरितो र भरपर्दाे बनाउन फेब बड सञ्चालनमा आएको हो ।  डेलिभरी सर्भिसमार्फत व्यवसायीले सहि समयमा तोकेकै ठाउँमा आफ्ना ग्राहकहरुलाई भरपर्दो र छिटो सामान पठाउन सकिने कम्पनीले बताएको छ । यस्तै, ग्राहकहरुले पनि आफूले भनेकै समयमा डेलिभरी लिई फेब बडको सर्भिसको लाभ लिन सक्नेछन् ।  

फेब बड एक हाइपरलोकल डेलिभरी प्लेटफर्म हो जसले उपत्यकाभर विभिन्न सर सामानको डेलिभरी गर्ने गर्दछ । यस प्लेटफर्मले कुनै पनि समयमा पिकअप, तत्काल वितरण, किफायती वितरण शुल्क र उही दिन क्यास अन डेलिभरी विभिन्न सेवा प्रदान गर्दछ । 
प्लेस्टोरबाट Fab Bud एप डाउनलोड गरेर यसको उपयोग गर्न सकिन्छ ।