काठमाण्डौ। विश्व महामारी कोरोनाभाइरसबाट अतिप्रभावित अमेरिकामा संक्रमणको मामिला २० लाख नाघेको छ।

जोन हप्किन्स विश्वविद्यालयका अनुसार बिहीबार बिहानसम्मअमेरिकामा कोरोना संक्रमणको कुल मामिला २० लाख ४६४ पुगेको छ। यो संक्रमणबाट हालसम्म अमेरिकामा १ लाख १२ हजार ९२४ जनाको ज्यान गइसकेको छ।

विश्वभर कोरोना संक्रमणको मामिलामा अमेरिका अग्रस्थानमा छ। दोस्रो नम्बरमा ब्राजिल छ। ब्राजिलमा हालसम्म ७ लाख ७२ बढी संक्रमणको मामिला देखिएको छ।

अमेरिकामा अहिले दैनिकजसो ५ लाखभन्दा बढी कोरोना परीक्षण भइरहेको छ। 

कोरोनाबा विश्वभर भने बिहीबार बिहानसम्म ७२ लाख ९१ हजारभन्दा बढी मानिस संक्रमित भइसकेका छन्। ज्यान गुमाउनेको संख्या भने ४ लाखभन्दा बढी छ। – एजेन्सी