आईभीआईको नेतृत्वमा कोभिड खोप उम्मेदवारको प्रभावकारिता परीक्षणका लागि नामांकन सुरु

काठमाण्डौ । सनोफी र जीएसकेले नेपालमा एक पुनः संयोजक प्रोटिन कोभिड–१९ खोपको सहायक उम्मेदवारको सुरक्षा, प्रभावकारिता र प्रतिरक्षा क्षमता मूल्यांकन गर्नका लागि अनुमोदन प्राप्त गरेको छ। 

सुरक्षित, प्रभावकारी र किफायती खोपहरुको खोज, विकास र वितरणका लागि समर्पित अन्तर्राष्ट्रिय संगठन इन्टरनेसनल भ्याक्सिन इन्स्टिच्युट (आईभीआई) ले नेपालमा ३ अध्ययन साइटहरुमा ४ हजार स्वयंसेवक भर्ना गर्ने अपेक्षा गर्दै फेज ३ क्लिनिकल ट्रायल सञ्चालन गर्नेछ।

ग्लोबल क्लिनिकल ट्रायलको सहायताका लागि स्थानीय डाटा उत्पादन गर्न, आईभीआईको नेतृत्वमा यो चरण ३ को अध्ययनले नेपालमा खोप अनुसन्धान र विकासका लागि क्षमता र पूर्वाधार निर्माण गर्न जारी राख्नेछ। कोभिडको खोप उपलब्ध हुनेबित्तिकै यदि उनीहरुले चाहेमा अध्ययनका सहभागीहरुलाई अध्ययनका क्रममा अनुमोदित कोभिडको खोप लगाउन प्रोत्साहित गरिन्छ। अध्ययन डिजाइनको भागको रूपमा अध्ययन खोप सुरक्षित र प्रभावकारी साबित भएसँगै नियन्त्रण समूहसहित सबै सहभागीलाई उपलब्ध गराइनेछ।

सनोफी पिस्टोर भारत र दक्षिण एसियाका कन्ट्री हेड अन्नपूर्ण दास भन्छन्, ‘नेपाल सनोफीको मुख्य चरण ३ को अध्ययनमा भाग लिइरहेको छ र हामीले देशमा अध्ययन सहभागीहरुको नामांकन सुरु गरेका छौँ। हामीले नेपालमा अध्ययनका लागि अन्तर्राष्ट्रिय खोप संस्थानसँग साझेदारी गरेका छौँ।’ 

आईभीआईकी उपमहानिर्देशक Dr. Anh Wartel भन्छिन्, ‘कोभिड महामारीको अन्त्यका लागि विश्वव्यापी प्रतिरक्षा प्राप्त गर्न बढ्दो भेरियन्टविरुद्ध परीक्षण गरिएको र कम संसाधन सेटिंग्सका लागि पनि पहुँचयोग्य हुने नयाँ खोपहरुको एक नवीन पुस्ताको आवश्यकता छ। नेपालमा यो महत्वपूर्ण चरण ३ को अध्ययनमा सनोफी पिस्टोरसँग सहकार्य गर्न पाउँदा, विशेषगरी यस वर्षको सुरुआतमा नेपाल स्वास्थ्य अनुसन्धान परिषदसँग यस क्षेत्रको सार्वजनिक स्वास्थ्यको सुदृढीकरणका लागि हाम्रो हालको सहयोग सम्झौताको प्रकाशमा साझेदारी गर्न पाउँदा खुसी छौँ।’