काठमाण्डौ । नागरिक लगानी कोष(सीआईटी)को लाभांश सुरक्षित गर्ने आज असार १८ गते अन्तिम दिन रहेको छ।

लाभांश र वार्षिक साधारणसभा प्रयोजनार्थ सीआईटीले भोलि असार १९ गते बुक क्लोज गर्ने निर्णय गरेको छ। यसको अर्थ असार १८ गतेसम्म कायम सेयरधनीहरुमात्रै यो कम्पनीको लाभांश पाउन र सभामा भाग लिन योग्य हुनेछन्। 

सीर्आटीले आफ्नो २८ औँ वार्षिक साधारणसभा यही असार ३१ गते आयोजना गर्ने निर्णय गरेको छ। सभाले काठमाण्डौको नयाँबानेश्वरस्थित सीआईटी बिल्डिङमा अपराह्न ३ बजेबाट सुरु हुनेछ। 

सभाले आर्थिक वर्ष २०७८–७९का लागि प्रस्तावित चुक्तापुँजीको कुल २६.३१५८ प्रतिशत लाभांश अनुमोदन गर्नेछ। जसमा २५ प्रतिशत बोनस सेयर र कर प्रयोजनार्थ १.३१५८ प्रतिशत नगद लाभांश अनुमोदन गर्नेछ। 

सभाले सञ्चालक समितिमा अन्य बैंक तथा वित्तीय संस्थाहरुमध्येबाट त्यस्ता संस्थाले तोकेबमोजिम निर्वाचित वा मनोनित गरेको १ जना सञ्चालक पदमा निर्वाचन गर्नेछ। सभाले गत आर्थिक वर्षको वार्षिक तथा लेखापरीक्षकको प्रतिवेदन स्वीकृत गर्नेछ।