काठमाण्डौ । उपकार लघुवित्त वित्तीय संस्था लिमिटेडले आईपीओ निष्कासनको अनुमति पाएको छ।

नेपाल धितोपत्र बोर्ड (सेबोन)ले चैत ७ गते उपकार लघुवित्तलाई आईपीओ निष्कासनको अनुमति दिएको हो। सेबोनको अनुमति पाएसँगै अब यो लघुवित्तले २ करोड ६६ लाख २५ हजार रुपैयाँबराबरको आईपीओ निष्कासन गर्नेछ। 

संस्थाले १०० अंकित दरका कुल २ लाख ६६ हजार २५० कित्ता आईपीओ जारी गर्नेछ। 

संस्थाको यो आईपीओ चुक्तापुँजीको ३६ प्रतिशतबराबरको हुनेछ। संस्थामा ६४ प्रतिशतले हुन आउने ३ लाख ९० हजार कित्ता संस्थापक समूहको रहेको छ। 

यो आईपीको बिक्री प्रबन्धकमा नेपाल एसबीआई मर्चेन्ट बैंकिङ लिमिटेड रहेको छ।