काठमाण्डौ । उपत्यकाका ३ वटै जिल्लासहित देशका विभिन्न क्षेत्रमा मंगलबार २७ कोरोना संक्रमित थपिएका छन् । 

स्वास्थ्य मन्त्रालयका अनुसार काठमाण्डौमा ३ जना संक्रमित थपिएका छन् भने भक्तपुरमा १ र ललितपुरमा पनि १ संक्रमित थपिएका छन् । 

सबैभन्दा बढी झापामा ९ संक्रमित थपिएका छन् । यस्तै, मोरंगमा १, सुनसरीमा १, सर्लाहीमा २, मकवानपुरमा १, रामेछापमा १, सिन्धुलीमा १, लमजुङ १, कपिलवस्तुमा ४ र नवलपरासीमा १ संक्रमित फेला परेका हुन् । 

आज थपिएका सबै संक्रमितको उमेर १७ देखि ४२ वर्ष रहेको छ । संक्रमितमध्ये २४ पुरुष र ३ महिला छन् । 

योसँगै नेपालमा कोरोनाका कुल संक्रमितको संख्या ४०२ पुगेको छ । यसमा पुरुष ३४०, महिला ६२ जना रहेका छन् । यस्तै, देशका ३६ जिल्लामा कोरोना फैलिएको छ ।