काठमाण्डौ । पछिल्लो २४ घण्टामा काठमाण्डौ उपत्यकाभित्र कोरोनाका २२४ नयाँ संक्रमित थपिएका छन् । 

स्वास्थ्य तथा जनसंख्या मन्त्रालयका अनुसार काठमाण्डौ जिल्लामा १७७, ललितपुरमा ३३ र भक्तपुरमा १४ गरी कुल २२४ संक्रमित उपत्यकामा थपिएका हुन् । 

सोमबारसम्म देशभर सक्रिय संक्रमितको संख्या १३ हजार ७१५ रहेको छ । 

सरकारले पछिल्लो २४ घण्टामा १० हजार २३४ को पीसीआर परीक्षण गरेको छ । योसँगै हालसम्म भएको पीसीआर परीक्षण संख्या ६ लाख १० हजार ४६९ पुगेको छ । 

पछिल्लो २४ घण्टामा देशभरबाट १७५ जना निको भएर घर फर्किएका छन् । योसहित डिस्चार्ज हुने कुल संख्या १८ हजार ८०६ रहेको छ । 

यसैबीच, देशभरमा पछिल्लो २४ घण्टामा ७४३ संक्रमित थपिएका छन् । योसहित कोरोनाबाट नेपालमा संक्रमित हुनेहरुको कुल संख्या ३२ हजार ५२१ पुगेको छ ।