काठमाण्डौ । उपत्यकामा एकैदिन ४१५ कोरोना संक्रमित थपिएका छन् । यो भनेको पछिल्लो २४ घण्टामा देशभर फेला परेका कुल संक्रमितको झण्डै आधा संख्या हो । 

स्वास्थ्य मन्त्रालयका अनुसारका काठमाण्डौ जिल्लामा ३५० जना, भक्तपुरमा ५४ र ललितपुरमा ११ गरी कुल ४१५ संक्रमित थपिएका हुन् । 

पछिल्लो २४ घण्टामा काठमाण्डौ उपत्यकासहित देशभर ९२७ संक्रमित थपिएका छन् । योसहित हालसम्म नेपालमा कोरोना संक्रमित हुनेको संख्या ३६ हजार ४५६ पुगेको छ । 

यो अवधिमा देशभरबाट १६९ संक्रमित डिस्चार्ज भएका छन् । योसहित कुल डिस्चार्ज हुनेको संख्या २० हजार २४२ पुगेको छ । 

पछिल्लो २४ घण्टामा देशभर १० हजार २२९ पीसीआर टेस्ट भएको छ । योसँगै हालसम्म भएको पीसीआर टेस्टको संख्या ६ लाख ५८ हजार ११० पुगेको छ ।