काठमाण्डौ । उपत्यकाका तीन जिल्लामा पछिल्लो २४ घण्टाभित्र १८६ सहित देशभर ८८४ कोरोना संक्रमित थपिएका छन् । 

स्वास्थ्य मन्त्रालयका अनुसार काठमाण्डौ जिल्लामा १५५, भक्तपुरमा १२ र ललितपुरमा १९ कोरोना संक्रमित थपिएका हुन् । 

पछिल्लो २४ घण्टामा देशभरमा ८८४ कोरोना संक्रमित थपिएका छन्।

यो अवधिमा ३१३ संक्रमित निको भएर घर फर्किएका छन् । योसहित कोरोनामाथि जित हासिल गरी घर फर्किनेको संख्या २० हजार ५५५ पुगेको छ । कोरोना ठीक भई डिस्चार्ज हुनेहरुको प्रतिशत ५५ प्रतिशत रहेको छ । 

सक्रिय संक्रमितको संख्या १६ हजार ५७८ रहेको छ । 

सरकारले देशभर गत २४ घण्टामा ११ हजार ५१६ आरटी पीसीआर टेस्ट गरेको छ । योसहित हालसम्म आरटी पीसीआर भएको कुल संख्या ६ लाख ६९ हजार ६२६ पुगेको छ । 

हालसम्म आइसियूमा उपचाररत संक्रमितको संख्या १७५ र भेन्टिलेटरमा रहेका संक्रमितको संख्या २२ रहेको मन्त्रालयले जनाएको छ ।