काठमाण्डौ । पछिल्लो २४ घण्टामा काठमाण्डौ उपत्यकामा ४२९ कोरोना संक्रमित थपिएका छन् । 

स्वास्थ्य मन्त्रालयका अनुसार काठमाण्डौ जिल्लामा ३७२, ललितपुरमा १२ र भक्तपुरमा ४५ संक्रमित थपिएका हुन् । 

पछिल्लो २४ घण्टामा २६७ कोरोना संक्रमित डिस्चार्ज भएका छन् । योसहित कोरोनामाथि जित हासिल गर्नेको संख्या २० हजार ८२२ पुगेको छ । 

मन्त्रालयका अनुसार निको हुने कोरोना संक्रमितको दर आइतबार अझै घटेर ५४ प्रतिशतमा सीमित बन्न पुगेको छ । हिजोसम्म यो दर ५५ प्रतिशत थियो भने त्यसको अघिल्लो दिन ५६ प्रतिशत थियो ।