काठमाण्डौ । नेपालमा आइतबार एकाबिहानै कोरोनाबाट थप १० मा संक्रमण पुष्टि भएको छ । योसँगै नेपालमा कुल संक्रमितको संख्या २९१ पुगेको छ । 

स्वास्थ्य मन्त्रालयका अनुसार थपिएका १० संक्रमित सबै रौतहटका बासिन्दा हुन् । 

रौतहटको राजपुर नगरपालिका ९ फरहदवाका १८, ३२, ३६, ३९, ३९, ४२, ४८ वर्षका पुरुष र रौतहट इशानाथ नगरपालिका ३ तथा ५ निवासी २८, ३० र ३३ वर्षीय पुरुषहरु रहेका छन् ।

थपिएका सबै संक्रमितको स्वास्थ्य अवस्था सामान्य रहेको मन्त्रालयले जनाएको छ । 

नेपालमा हालसम्म २९१ मा संक्रमित भेटिएको छ भने एकजनाको हिजो मृत्यु भएको छ । हालसम्म ३६ संक्रमित निको भएर घर फर्किसकेका छन् ।