काठमाण्डौ । नेपालमा कोरोना संक्रमितको निको हुने दर बढेर ७१ प्रतिशत पुगेको छ । 

पछिल्लो २४ घण्टाभित्र देशभरबाट थप १ हजार ८१८ संक्रमित निको भएर घर फर्किएसँगै दर बढेर ७१ प्रतिशत पुगेको स्वास्थ्य मन्त्रालयले जनाएको छ । 
योसँगै हालसम्म कोरोना संक्रमणबाट मुक्त हुनेको संख्या ३५ हजार ७०० पुगेको छ । 

पछिल्लो २४ घण्टामा देशभर १ हजार २४६ कोरोना संक्रमित फेला परेका छन् । योसँगै नेपालमा कोरोना संक्रमितको कुल संख्या ५० हजार ४६५ पुगेको छ । 

पछिल्लो अवधिमा ५ संक्रमितको मृत्यु भएको छ । योसँगै नेपालमा कोरोनाबाट मर्नेको कुल संख्या ३१७ पुगेको छ ।