काठमाण्डौ । नेपालमा कोेरोना संक्रमितको संख्या बढेर ३१ पुगेको छ। 

शनिवार एक पुरुषमा कोरोनाको संक्रमण पुष्टि भएको स्वास्थ्य मन्त्रालयले केहीबेरअघि सार्वजनिक गरेको हो । 

ती पुरुष ६५ वर्षीय हुन् । उनी पनि उदयपुरकै मस्जिदमा बस्दै आएका भारतीय नागरिक हुन् । 

कोशी अञ्चल अस्पतालमा भएको पीसीआर परीक्षणबाट शनिवार ती व्यक्तिमा कोरोना संक्रमण पुष्टि भएको हो । 

योसहित नेपालमा कोरोना संक्रमितको संख्या ३१ पुगेको छ । हिजो एकैदिन उदयपुरको भूल्केस्थित मस्जिदमा बसेका ११ भारतीय नागरिक र १ नेपालीसहित १२ जना र चितवनमा २ गरी १४ संक्रमित थपिएर १६ मा सीमित संख्या बढी ३० पुगेको थियो । 

शनिवार नै कोरोना संक्रमितमध्ये टेकूबाट एक १९ वर्षीया युवती र बाग्लुङकी ६५ वर्षीया महिला निको भई डिस्चार्ज भएका थिए ।