काठमाण्डौ । देशमा ३८० कोरोना संक्रमित थपिएका छन् । योसँगै कुल संक्रमितको संख्या ६ हजार ५९१ पुगेको छ । 

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टाभित्रमा ३८० नयाँ संक्रमितको पहिचान भएको हो । 

यीमध्ये काठमाण्डौमा पनि थप एक संक्रमित फेला परेका छन् । हिजो ४ जना संक्रमित फेला परेका थिए । 

मंगलबार देशका विभिन्न अस्पतालहरुबाट ११७ जनाले कोरोनामाथि जित हासिल गरी घर फर्किएका छन् । यीमध्ये १०९ पुरुष र ८ महिला छन् । योसहित कोरोनालाई जित्नेको कुल संख्या १ हजार १५८ पुगेको छ ।