काठमाण्डौ । पछिल्लो २४ घण्टामा देशभर १ हजार ८१ कोरोना संक्रमित थपिएका छन् । 

योसहित हालसम्म नेपालमा कोरोनाबाट संक्रमित हुनेहरुको कुल संख्या ४९ हजार २१९ पुगेको छ । 

पछिल्लो २४ घण्टामा देशभरबाट थप ९१८ संक्रमित निको भएर घर फर्किएका छन् । योसहित हालसम्म निको हुने संक्रमितको कुल संख्या ३३ हजार ८८२ पुगेको छ । बुधबारसम्म निको हुने दर ६८.८ प्रतिशत पुगेको छ । 

हाल देशभर १५ हजार २५ सक्रिय संक्रमित रहेका स्वास्थ्य मन्त्रालयले जनाएको छ । 

पछिल्लो २४ घण्टामै थप ६ कोरोना संक्रमितको मृत्यु भएको छ । योसहित कोरोनाबाट मृत्यु हुने कुल संख्या ३१२ पुगेको छ । 

पछिल्लो २४ घण्टाभित्र ११ हजार १६७ को पीसीआर टेस्ट गरिएको छ । यसरी हालसम्म देशभर भएको पीसीआर टेस्टको कुल संख्या ७ लाख ९९ हजार ३४१ पुगेको छ ।